Архитектура

Архитектура може да ја претставува:

·                     Уметноста и науката за проектирање и издигнување на градби и други материјални објекти.

·                     Вештината на архитектот, при што, архитектура значи да се понудат или да се дадат професионални услуги во врска со проектирање и изградба на една или повеќе згради, опфаќајќи го и просторот околку зградите, кој ќе биде користен од страна на луѓето.

·                     Општо термин со кој се опушуваат згради и други структури.

·                     Стилот и начинот на проектирање и изградба на згради и други материјални објекти.

Поопширна дефиниција може да ги опфати сите проектирачки активности, од најниско ( урбанистички проект, пејсажна архитектура) до највисоко ниво (детали во врска со изградбата и мебел). Архитектурата е и процесот и производот од планирањето, проектирањето и изградбата на формата, просторот и амбиентот, кои се одраз на функционални, технички, социјални и естетски сфаќања. Таа бара креативна манипулација и координација на материјали, технологија, светло и сенка. Архитектурата, исто така, ги опфаќа прагматичните аспекти за реализирање на зградите и структурите, вклучувајќи распоред, пресметување на цена и управување со изградбата. Архитектурата ја дефинира структурата и/или држењето на една зграда или друг вид на систем, кој треба да биде или е веќе изграден.

Често, архитектонските дела се сметаат за културни и политички симболи,како и за уметнички дела. Историските цивилизации, често, се идентификуваат со нивните постоечки архитектонски достигнувања.

Понекогаш, архитектурата се однесува на активноста на проектирање на каков било систем . Овој термин често се користи во светот на информатичката технологија.

Архитектура на Македонија

Под поимот Aрхитектура на Македонија се подразбира архитектурата која содржи секакви градби и споменици од културно, историско и религиозно наследство на денешната територија на Република Македонија.

Повеќе групи на луѓе кои престојувале или владееле со Македонија, оставиле свое влијание и траги во многу нешта; еден од најзначајните е, секако, архитектурата.